Listen BIG FM 101.2 MHz LIVE

Breaking News
Home » मनोरञ्जन » ‘प्रेम गीत–२’ कभरसङ ‘कहानी यो प्रेम गीतको’ विजेतालाई १ लाख पुरस्कार

‘प्रेम गीत–२’ कभरसङ ‘कहानी यो प्रेम गीतको’ विजेतालाई १ लाख पुरस्कार

पोखरा, २८ वैशाख / ‘प्रेम गीत–२’ निर्माण युनिटले कभर गीत प्रतियोगीतालाई निरन्तरता दिएको छ । यसअघि आसुसेन फिल्मले निर्माण गरेको ‘प्रेम गीत’ को कभरसङ ‘म यस्तो गीत गाउँछु’ लाई पनि यूटुबमार्फत गायनको खोजी गरिएको थियो । त्यस सिजनबाट सागरसंसार राईले जितेका थिए । उनले ‘प्रेम गीत २’ को एउटा गीत गाउने अवसर पाएका छन् ।

प्रेम गीत २ फिल्मको टाईटल गीत ‘कहानी यो प्रेम गीतको’ कभरलाई गाउने कलाकारहरुको पुन खोजी गरिएको छ । फिल्म निर्माण टिम गायन कलाकारको खोजी गर्दै बिहीबार पोखरा आएको छ । पोखरा कलासंस्कृतिको धनी भएकोले यहाँबाट थुप्रै गायन प्रतिभाहरु सहभागी हुने फिल्मका निर्माता सन्तोष सेनले बताए । फिल्मको कभरसङ गाएर आफ्नै युटियुब च्यानलमा अपलोड गरी उक्त लिंक आफ्नो परिचयका साथ पठाउनुपर्ने नियम रहेको छ ।

प्रतियोगितले गाएको भिडियो बैशाख १८ गतेदेखी असार २० गते सम्म पठाइसक्नुपर्ने सेनले बताए । गीत गाउदा कुनै पनि म्युजिकल इन्स्टुमेण्ट , भिडियो डिभाईस वा हाइलाईट्स नेपालको युटियुब च्यानलमा उपलब्ध लिरिकल ट्रयाकमा गाएर पठाउन सक्ने प्रवधान गरिएको छ । भिडियोलाई हाईलाईट्स नेपालले असार २० गतेदेखी आफ्नो युटियुब च्यानलमा अपलोड गर्नेछ ।

भिडियोहरुलाई प्रतियोगीहरुले श्रावण २५ सम्म प्रचार गरी भ्युर्अस बढाउन सक्ने सेनले बताए । यूटुब भ्युर्असका आधारमा उत्कृष्ट १० जना र वाइल्ड कार्ड मार्फत उत्कृष्ट ५ गरी १५ जना फाइनलका लागी छनोट गरिने पब्लिसिटी म्यानेजर किरण आचार्यले बताए ।

‘प्रतियोगीहरुले निर्णायक सामु आफ्नो गायन प्रतिभाको प्रदर्शन गर्नुपर्नेछ,’ उनले भने, ‘निर्णायक मण्डलकै निर्णयको आधारमा एकजना पुरुष र एकजना महिलालाई विजेता घोषणा गरिनेछ । विजेता दुबै महिला पुरुष गरी जनही १/१ लाख सहित आसुसेन फिल्मसले निर्माण गर्ने आगामी चलचित्रमा गाउने अवसर प्राप्त हुनेछ ।’

Check Also

‘दिदीलाई घरमा हेला, भाइ पराई भूमिमा…’ यस्तो पो तीज गीत

रञ्जन अधिकारी भाञ्जाभाञ्जी जन्मेका छन्, हुर्काउँला, बढाउँला, राम्रोसँग मावलीमै राखी पढाउँला । सबले भन्छन् दुःखपछि …